Главная » 2017 » Апреля » 9 » Карт анайдынъ йыгылган йигери
23:23 Карт анайдынъ йыгылган йигери | |
| Бизим «Шоьл тавысы» республикалык газе- тамыз Ногай районында буьгуьнлерде ялгыз бир баспа органы болады. Районымызда суьйиниш- ли болса да, кайгыртатаган болса да, хабарлар- ды биз – газета куллыкшылары, окувшыларга еткермеге шалысамыз. Ис борышымызга коьре, коьп аьдемлер мен йолыгыспага, аьллеспеге туь- седи. Буьгуьнлерде бизим редакциямызга, коь- нъили бек тоьмен аьлге туьсип, Терекли- Мектеб авыл яшавшысы Менъиш Юсуповна Шамбилова келди. Онынъ келуьвининъ маь- неси бар эди. Менъиш-абай – сав яшавы бой- ынша ислеген кыскаяклы, аьли тийисли тын- шаювда. Онынъ соьзине коьре, патшалык пан токтастырылып, ис ветеранларына пособие эм коммуналлык буйымлар эсабында бериле- таган акша (оьлшемине коьре, уьйкен деп те айтып болмаякпыз) тийисли иеси Менъиш- абайга заманы ман тувыл экеш, кешигип те еткерилмейди. – Ызгы кере мен ис ветеранларына бери- летаган 500 маьнет акшады оьткен йылдынъ август айында, коммуналлык буйымлар уьшин берилетаган акшады 2016-ншы йылдынъ фев- раль айында колыма алганман. Сол акшады мен ашав-яшавыма етеди деп айтып болмай- ман, телефоныма салсам да ийги эди. Тек сол берилетаган акша мага еткерилмегенде, соны бермей ыслап туратаган инсанларга неге етеди экен яде болса, меним 500-1000 маьнет акшам ман оьз казналарын толтырадылар ма экенлер? – дейди коьзяслары ман Менъиш-абай. Онынъ хабарына коьре, ол тийисли тармактынъ ваь- киллерине барып, не себептен сол акша ога еткерилмейтаганын билейим деп барган бол- ган. Тек карт-анай басына кайгы алып, анда- мунда силкиленип, «бар, тетей, аьне кабинет- ке», сол кабинетке барганда, «бу соравды биз шешпеймиз, баскага барынъыз», – деп, коьп йигерин йыккан соьзлер эситип, соравына явап та алмай, куьналиди де таппай, кайтып келеятырган йосыгында бизге кирди. Бизди де уьйкен ойга калдырды. Аьши ким иркилте- ди экен сол ясуьйкенлерге тийисли пособие- лерди? Оьзлери туьрли документлерди аьзир- леп, еткеринъиз деген социаллык тармагы ма яде болса, пайлайтаган аьдемлер ме? Соравлар коьп, явапты ким берер экен?! Г.Сагиндикова. Газет «Шоьл тавысы» 30 март 2017 йыл 2 бет | |
| Просмотров: 347 | | |
| Всего комментариев: 0 | |