Главная » 2017 » Апреля » 17 » Ногай яслардынъ бирлесуьви суьйинтеди
21:24 Ногай яслардынъ бирлесуьви суьйинтеди | |
Бу йылдынъ март айында Сургут каласынынъ Ногай яслар союзынынъ агзалары маданият уьйинде оьткен «Сургут – бизим ортак уьйимиз» деген проекти бойынша каладынъ миллет мада- ниятларынынъ биргелес амалла- масында ортакшылык эттилер. Ногайлар мине коьп йыл- лар ишинде биринши кере оьз алдында организация эсабында ортакшылык эттилер. Амаллама конаклары ногай миллет ашхана- сы ман да таныстылар. – Ногай ашханасына, аьде- тинше, суьт, эт эм ун аслары киредилер. Конакларга деп кыз- лар катлама, байрамеш, бавыр- саклар аьзирледилер. Этти кесе- клеп писирип салдылар. Оьз маданиятын коьрсеткен бир хал- кта да оьз ишимлик сувлары йок болган саялы, баьриси де йыйы- лып бизден даьмли ногай шай- дан таттылар. Йыйылганларга «Табан тирес» деген ногай ойы- ны Умар Кильжанов эм Радмир Нуралиев пен коьрсетилди. Про- граммады «Ак шалув» миллет биюви тамамлады, – дейди Рад- мир Нуралиев. Яс организациясынынъ иси акында ийги билмеге деген ой ман, мага Сургут каласынынъ Ногай яслар союзынынъ етекши- си Р.Нуралиев пен хабарласпага туьсти. – Радмир, Сургут каласында Яслар союзын туьзбеге деген ой не себептен тувды? – Сондай организацияды туьзбеге деген ой коьптен тув- ган эди. Ногайларымыз Сургут каласында эм Ханты-Мансийск Автономиялык округында коьп йыллар бойы дайымлык неги- зинде яшап келедилер. Йыл ярым артта мен Сургут каласы- на келгенде, менде мунда коьп досларым бар эдилер. Йыйылы- сып олтырганда, бизге бирле- спеге керек деген темады козгап басладык. Тувган авылларымыз- да баьри зат та енъилленип, тил, аьдетлер, ойынлар аста мутылып барады. Онынъ орынына, янъы авыстырувлар орын табадылар. Оьз аьдетлеримизди, мадания- тымызды саклав бек кыйын бол- ды. Ама ногайларга коьп яшав- шылары болган калаларда яша- ган эм тувган ериннен алыста болган саялы шынты мадания- тын сакламага бек авыр. Ногай- лар коьп санда Сургут каласын- да эм онынъ тоьгерегинде яшап келедилер. Боьтен де биз мунда бирлесуьвди сеземиз. Маданиятты саклавдан баска, калада, солай болып, авылларда да ногай тили бойынша маьселе де бар, эм сол маьселеди шешуь- ви акында ойламага керекпиз. – Бизге оьзинъиздинъ алдын- гы ямагатлык аьрекетинъиз акында хабарласанъыз экен. – Мен аьли де студент шагымда Черкесск каласынынъ Ногай яслар союзынынъ аьре- кети мен бек кызыксынатаган эдим. Ол «Данък» деп аталган. Мен олардынъ оьз халкы, ясла- ры уьшин аьрекет этетаганы ман оьктемсийтаган эдим. Эм олар- дынъ акында меним эсимде ийги ойлар калдылар. Сургут кала- сында Ногай яслар союзын туь- зеектен алдын, мен Москва кала- сында уйгынланган Ногай яслар союзында аьрекет эттим. Ол зат мага бек яваплы абыт эди. Келе- екте мен пресс-секретарь, оннан сонъ Яслар союзынынъ редакто- ры болдым. Сонда алган сулы- бым мага буьгуьнлерде де демев- лик этеди. – Организация оьз алдына кайдай мыратлар салады? – Ногайлардынъ мадания- тын, асабалыгын саклав мырад- ларымыздынъ басы болады. Биз миллет ойынларын, биювлерин, асларын кайтадан яшавга эндир- меге суьемиз. Меним анълавым ман кайбир затларды биз баска халклардан да алганмыз. Баска халктан келген сонъ шынты оьз асабалыгымыз йойытылып бара- ды. Бизде алдыда этилинеек коьп куллыклар бар. Баьри регионлар- дан ногай яслар сол заттынъ маь- нелигин анълайтаган боларлар деп сенемен. Биз бай тарихи эм асабалыгы ман халк боламыз. Ама, оькинишке, оьз мадания- тымызды аста-аста йойытсак, бизим асабалыгымызды оьзи- не тартып алмага суьетаган хал- клар да табылар. Биз сол заттынъ алдын шалмага керекпиз. Навруз айдынъ ортасында Сургут каласынынъ Ногай яслар союзынынъ белсенли катнасув- шылары «Бала нуры» деген сав- лай халклар ара ногайлардынъ саваплык акциясын тамамла- дылар. Акция бойынша Ногай яслар союзынынъ агзалары Сур- гут каласындагы «Зазеркалье» деген балалар уьйинде болып кеттилер. Сондай биргелес акци- ялар бизди бирлестиреди, бизге оьзимизди бир аьел этип сезбеге амал береди. Озган йылдынъ сентябрь айында Черкесск каласын- да оьткен Халклар ара илми- практикалык конференциясында илми аьрекетшиси Вадим Трепав- лов мени мен хабарласувда, ясла- рымыздынъ белсенлиги бойын- ша аьжейипсинуьвин билдирди. Конференцияда яслардынъ кат- насувына ол бек суьйинди. Оны яслардынъ оьз халкынынъ тари- хи, маданияты эм аьдетлери мен кызыксынувы бек суьйиндирди. Яслардынъ маданияты ман кызыксынувы халктынъ йогары оьрленип бараягына ийги белги болады. Хабарласувды юриткен Эмир Отевалиев. Суьвретте: шарадан коьри- нис. 13 апрель «шоьл тавысы» 7 бет №15 | |
Просмотров: 335 | |
Всего комментариев: 0 | |