Главная » 2021 » Июля » 25 » Шора баьтир
15:53 Шора баьтир | |
| Нарик пен Менъли-Слувдынъ касында Менъли-Слувдынь агасынынъ улы болады. Сол айтады: «Киевим, аьптем, сосы балага атты мен берейим. Оьзимнинь атымды атап кояйык. Оьзимнинь атым Шора» . Соны мынан балага Шора деп атайдылар. Нарик алар Крым ногайларына ноькисли коьк тама деген тукымга кетедилер. Кара каска Аьруьв атка мингемен Куйрыгын-ялын Тобышактай туьйгенмен. Огым-яйым такканман, Ок батпаган куьбемди Терис буьклеп, Онъ ягыма салганман. Душпанлар коьрип тайсын деп, Болат кылыш байласам. Кара бас суьнъги коьтерсем, Ети ханлык Казанга Казак шыга бараман. Мен Казанга баргышта Хан болмага бармайман, Бий болмага бармайман, Хан этселер эш болман, Бий этселер эш турман. Казан сардан даны уьйкен Нариктинь улы Шора айтар. Тоьре тувыл, Вай карындас, караман, Анадан Эгиз тувмай, дараман, Аргы атамды сорасанъ, Ноькис улы Тамаман, Оьз атымды сорасанъ, Нариктен тувган Шораман. Актаршыдынь Алибийин оьлтирип, Алидинъ арслан атлы бийине Кетпес корлык келтирип, Казан деген эл бар деп, Бас тасалар ер бар деп, Казналы Крым калдырып Казак шыгып бараман. Шора баягылай Казанда яшап турады. Онынь мергинлиги, куьшлилиги, боьтен де онынь Сапиханым алдында ырыясымай, оьктемлигин йоймай турувы халкка хабар болып яйылады. Ярлылар ога куванадылар. Байлар ога ашувланадылар. «Канъгып келген бир ногай баьтир бизден бир ташанган да этпейди»,— деп бугынадылар. А. Сикалиев. Домбыра. Шора-баьтир дестаны. 124-178 б. | |
| Просмотров: 256 | | |
| Всего комментариев: 1 | |
|
| |
0
