| Главная » Статьи » Ногайские стихи |
Аналардынъ тоьгилмесин коьзясы
| Акылсызлар аьли де бар ер-ерде, Туьбек сесин шыгармага суьеген. Аналар да эситкенде туьбек сес – Уьйлерине ясырынып киреген. Келе эске озган йыллар кавгасы – Аналардынъ тоьгилмесин коьзясы! Еримиз де ашувлана куьн сайын, Кайгы байрак келип туьссе эсине. Авыраяклы хатын айдап оьз малын, Авлак бетке шыгармайды. Ким биле… Согыс коьрген, кырк бирдеги, баягы – Аналардынъ тоьгилмесин коьзясы! Ялгыз эри, ялгыз болган баласы, Дав майданнан кайтпай калган сол заман. Битпей онынъ алган эски ярасы, Коьзясы да сувдай болып коьп аккан… Кир болмасын йылгалардынъ ягасы – Аналардынъ тоьгилмесин коьзясы! Анамыз да коьп йылаган оьмирде, Дав йыллары бактысында ер алган. Анам кимик мен йылайман бир-бирде, Аьелим бар, эске коьп зат салаган… Йиенлердинъ, уллардынъ бар анасы – Аналардынъ тоьгилмесин коьзясы! Анвар-Бек Култаев, ногай шаири Источник: http://golos-stepi.ru/images/vipuski/20170504.pdf | |
| Категория: Ногайские стихи | Добавил: тоньюкукк (12 Мая 2017) | |
| Просмотров: 880 |
| Всего комментариев: 0 | |