| Главная » Статьи » Тексты Ногайских песен |
Арсланбекей/Arslanbekey
| 77594 Астур: Арсланбекей. Кара йылга бойында Сары ярдынъ йолында Ногайымнынь аьскери Шоьлтик кырга шыкканда Алты арка ногайды Явлар курсап алдылар, Бийледилер элимди Сансыз келген ойратлар Кайтарма: Сакласын элимди Арсланбекей, Мынъ ойратка юз кыпшак Билеклеринде эки пышак Кара йолда Магастынъ Явдынъ канлары. 2. Эл айттырган найманы, Яв кайтарган конъраты, Айтсын десе, айтайым Корлык этпек бар атайы Баьтир элдинъ тулпары - Ногай элдинъ баллары, Бирлик болса арада, Корлармыз биз явларды. Кайтарма: Сакласын элимди Арсланбекей, Тувсын кимик юз тулпар Неше кардаш юз уллар Халктынъ куьши бирликте. Эй, ногайлар! 3. Шыксын карас яслары, Келсин баис уллары. Багысласын согыска Беитлердинъ сазлары Бодрак коьбек мырзасы Йылкы-атын аямасын, Саз, темирдинъ устасы, Кылышларын кайрасын Кайтарма: Сакласын элимди Арсланбекей, Мынъ ойратка юз ногай Аькис, туьркпен, карамырзай, Йибермесин олардын, янын алмай. 4. Тувмак онынъ йигити Шетиннен кырып барсын Утав, онынъ пельваны Явдын белин сувырсын Аты шапсын коьгоьлге, Кенъ яйылган шоьлликке Ногайымнынъ аьскери Ян аямас бирликте. Кайтарма: Сакласын элимди Арсланбекей, Мынъ ойратка юз кыпшак Билеклеринде эки пышак Кара йолда Магастынъ Явдынъ канлары. 5. Кереитлер келгенде Явдынъ сыпаты авысар, Мамбет улы Элбуга Келсе тамырларын шатлатар. Яйын салса шымайык, Тасты бузар оклары. Камбар баьтир, Эр-Таргыл Айттырылган уллары. Кайтарма: (сол баягы) 6. Алан, алан, алан-юрт, Аьскер йыйсын баьтир юрт. Алан элден атланган Утегуш эм Баранук Унаш улы Арсланбек Абаз улы яны берк Йыйылар шорт баьтирлер, Карсы шыкса кабартайлы. Кайтарма: Сакласын элимди Арсланбекей Мынъ ойратка юз улан, Алмас кылышлар колына алган Яв басы тахт. шыгалмас Оьктем ногайда. 7.Аскар тавдан атланды Неше казак уллары, Биргесинип-косылып Элде оьскен яслары, Кыпшак улы Матакай, Отакай эм Баракай, Кенъ манълайлы Санглибай, Мансур улы Алакай Кайтарма (сол баягы) 8. Эсенейи Бештавдвн, Шатемири Кобаннан, Ясаганын былгалап, Алгасайды Катаган. Туьмен Орак байдары Айталмай неше калган Янын берди халкына Эй, Ногайлы! Кайтарма (сол баягы). Arslanbekej. Kara jylga bojynda Sary yardyn jolynda Nogajymnyn askeri Sholtik kyrga shykkanda Alty arka nogajdy Yavlar kursap aldylar kursap aldylar Bijlediler elimdi Sansyz kelgen ojratlar Kajtarma: Saklasyn elimdi Arslanbekej, Myn ojratka yuz kypshak Bileklerinde eki pyshak Kara jolda Magastyn Yavdyn kanlary. 2. El ajttyrgan najmany, Yav kajtargan konraty, Ajtsyn dese, ajtajym Korlyk etpek bar atajy Batir eldin tulpary - Nogaj eldin ballary, Birlik bolsa arada, Korlarmyz biz yavlardy. Kajtarma: Saklasyn elimdi Arslanbekej, Tuvsyn kimik yuz tulpar Neshe kardash yuz ullar Halktyn kushi birlikte. Ej, nogajlar! 3. Shyksyn karas yaslary, Kelsin bais ullary. Bagyslasyn sogyska Beitlerdin sazlary Bodrak kobek myrzasy Jylky-atyn ayamasyn, Saz, temirdin ustasy, Kylyshlaryn kajrasyn Kajtarma: Saklasyn elimdi Arslanbekej, Myn ojratka yuz nogaj Akis, turkpen, karamyrzaj, Jibermesin olardyn, yanyn almaj. 4. Tuvmak onyn jigiti Shetinnen kyryp barsyn Utav, onyn pelvany Yavdyn belin suvyrsyn Aty shapsyn kogolge, Ken yajylgan shollikke Nogajymnyn askeri Yan ayamas birlikte. Kajtarma: Saklasyn elimdi Arslanbekej, Myn ojratka yuz kypshak Bileklerinde eki pyshak Kara jolda Magastyn Yavdyn kanlary. 5. Kereitler kelgende Yavdyn sypaty avysar, Mambet uly Elbuga Kelse tamyrlaryn shatlatar. Yajyn salsa shymajyk, Tasty buzar oklary. Kambar batir, Er-Targyl Ajttyrylgan ullary. Kajtarma: (sol bayagy) 6. Alan, alan, alan-yurt, Asker jyjsyn batir yurt. Alan elden atlangan Utegush em Baranuk Unash uly Arslanbek Abaz uly yany berk Jyjylar short batirler, Karsy shyksa kabartajly. Kajtarma: Saklasyn elimdi Arslanbekej Myn ojratka yuz ulan, Almas kylyshlar kolyna algan Yav basy taht. shygalmas Oktem nogajda. 7.Askar tavdan atlandy Neshe kazak ullary, Birgesinip-kosylyp Elde osken yaslary, Kypshak uly Matakaj, Otakaj em Barakaj, Ken manlajly Sanglibaj, Mansur uly Alakaj Kajtarma (sol bayagy) 8. Eseneji Beshtavdvn, Shatemiri Kobannan, Yasaganyn bylgalap, Algasajdy Katagan. Tumen Orak bajdary Ajtalmaj neshe kalgan Yanyn berdi halkyna Ej, Nogajly! Kajtarma (sol bayagy). | |
| Категория: Тексты Ногайских песен | Добавил: тоньюкукк (23 Июля 2022) | |
| Просмотров: 328 | Комментарии: 1 |
| Всего комментариев: 1 | |
|
| |
0
