Главная » Статьи » Ногайские стихи

АСАН КАЙГЫЛЫДЫНЪ АЗИЗ-ЯНЫБЕК ХАНГА АЙТКАН НАЗЫМЫ
Яныбек атлы сен эдинъ,
Яхшылар ман тенъ эдинъ,
Оьз калкынъа кас болдынъ,
Яманлар ман дос болдынъ.
Кара йылан болдынъ сен,
Халкынъ канын сордынъ сен.
Казналарга толдынъ сен,
Кайгыларга толдым мен.
Карап турып не кылдынъ?
Кырында кийик яйлаган,
Сувында балык ойнаган,
Оймавыттай тогай эгиннинъ
Ойына келген асын йий эдик,
Ем сувынынъ бойында.
Емде кенъес кылмадынъ,
Емнен элди коьширдинъ.
Яйык сувы ягымлы,
Отын тапсанъ тойымлы,
Яйык коьздинъ ясы эди,
Юзигимнинъ касы эди,
Юреклердинъ басы эди,
Яйыкта кенъес кылмадынъ,
Яйыктан элди коьширдинъ.
Элбенъ-элбенъ ювырган,
Эбелек отка семирген,
Явдынъ йолын кувырган,
Эки семиз колга алып,
Эрлер йортып куьн коьрген,
Эдил деген кыянга
Энъкейип келдинъ тар ерге,
Дава -согыс бар ерге.

Мында кенъес кылмасанъ,
Кенъестинъ туьби кара халк,
Кенъесип урар кара халк.
Яныбек атлы ханымыз.
Ногайлы ды данымыз.
Кенъесимиз алмасанъ
Тасып шыгар канымыз!
Элди эки боьлдирдинъ.
Боьденинъди буьлдирдинъ,
Душпанларды куьлдирдинъ.
Ногайымды талдырдынъ,
Баьтирлерим кырдырдынъ,
Каьрибинъ мен касарынъды
Айыры куржын арттырып,
Айылларын тартгырып.
Ят ерлерде юрдирдинъ.
Оьзинъе даьврен суьрдирдинъ.
Эдил минен Яйыкта
Эл болайык деп эдик,
Эндигиси буьгуьнде
Эренлер мен эрисип,
Карынга кылыш шалдырдынъ,
Белден йыгып талдырдынъ.
Яйыкка кала салдырдынъ,
Ягага кол салдырдынъ,
Эдилге кала салдырдынъ,
Этекке кол салдырдынъ.
Акылды бастан алдырдынъ,
Коьнъилди яман калдырдынъ,
Куьнлердинъ куьни келгенде,
Аса таяк колга алып,
Ак сакалынъ ел кагып,
Коныс излеп кезерсинъ.
Куьнлердинъ куьни келгенде.

Коькиректе азизлеген янынъа
Ава таппай авызынъды
Шалка туьсип керерсинъ.
Куьнлердинъ куьни келгенде,
Тоьгерек юзли, кой коьзли
Аьспеклеген баланъды,
Атасы наьлет душпанга
Бас булгамай берерсинъ.
Наьлет бизинъ юриске:
Эдил минен Яйыктынъ
Бирин язга яйласанъ,
Бирин кыска кысласанъ.
Ал колынъды маларсынъ
Алтын мынан куьмиске.
Элим, юртым оькирген,
Атан, туье акырган,
Эл душпаны екирген,
Аркага минип бакырган,
Элинъ. халкынъ энъиреп,
Шалка туьсип акырган,
Баьтирлерин шакырган,
Кыйынлы куьн келгенде,
Яныбек атлы ханымыз,
Яман-яхшы козгалып,
Ялпак кылыш колга алып,
Азизленген ата уьшин,
Бозлай турган анна уьшин,
Ебирленген халк уьшин,
Елдей эскен ул уьшин,
Йылай кеткеи кыз уьшин,
Шувлай турган юрт уьшин,
Яныбек атлы ханымыз,
Соравды сеннен сорарман!

Источник: http://Йыр иеси мен эдим. Бийке Кулунчакова
Категория: Ногайские стихи | Добавил: тоньюкукк (25 Декабря 2020)
Просмотров: 51 | Комментарии: 1
Всего комментариев: 1
avatar
0
1 тоньюкукк • 07:09, 25 Декабря 2020
СТИХОТВОРЕНИЕ-СОВЕТ,
данный Азиз-Яныбек хану поэтом Асаном Кайгылы

Ты был нам известен,
Как хан Яныбек,
И славился дружбой
С народом вовек.
Ты против
Родного народа пошел
И с подлыми
Дружбу-родство ты завел.
Ты стал для народа
Г ремучей змеей,
Что пьет его кровь
И весной, и зимой.
Теперь твой дворец
Весь наполнен добром,
А я переполнен
Тоской о былом.
Ты сам погляди -
Что же ты натворил?
Заставил покинуть
Родной Оймаут,
Где лес полон дичи
И рыбы полны
Озера и реки
Родной стороны.
Мы счастливы были
На Эмбе-реке,
Но Эмбу
Покинули мы налегке.
Мы счастливы были
На Яйик-реке,
Где сочные травы
Шумят вдалеке.
Был Яйик нам дорог
И свят, как слеза,
И радовал глаз,
Как в кольце бирюза.
Он сердцу ногайца
С рожденья знаком.
Ты Яик покинул,
Отеческий дом.
Зачем ты народ свой
Привел на Эдиль,
Где бойня идет,
Где лютуют враги.
Здесь тесно и тем,
Кто от века живет.
Зачем не подумал,
Что хочет народ?
И если сейчас
Ты не внемлешь словам,
За жизнь твою я
И полушки не дам.
Народ терпелив,
Но терпенью его
Приходит конец...
Жди конца своего!
Ногайский наш род
Славен был и могуч,
И ты Яныбек,
Хоть и туча из туч,
Коль наш не услышишь совет,
Не пеняй -
Уж лучше услышь ты
Совет от меня!
Ты надвое род наш,
Сглупя, разделил,
Людей обездолил,
Врагов насмешил.
Героев, что жизни
Своей не щадя
Тебя защищали,
На гибель обрек.
‘Бредет наш народ,
Словно нищий, с сумой,
Мечтает вернуться
Обратно домой.
Ты славы и денег
Себе захотел,
А то, что с детьми будет -
Не доглядел.
Мы думали,
Будем на Волге мы жить,
И как на Урале,
Скотину растить.
А нынче - ты сам,
Не боясь, оглянись -
Народ свой обрек ты
На жалкую жизнь.
Он, словно батыр,
Прямо в сердце сражен,
И с поля войны
Не поднимется он.
На Яике крепость
Построил и что ж -
Нам к горлу приставили -
Вражеский нож.
На Волге ты крепость
Построил опять.
Пришлось пред врагом
На колени нам стать.
От злости и разум
У нас замутнен.
Народ не простит,
Слишком он оскорблен!
Послушай.
Настанет твой сумрачный день.
Когда одинокий,
В глухой нищете.
Седой, изможденный
И с палкой в руках
На горькой чужбине
Ты встретишь свой крах.
Послушай, послушай -
Настанет тот час,
Когда от земли
Не поднимешь ты глаз.
И воздуха будет
Тебе не хватать.
И на бороде
Будешь волосы рвать.
Когда ты прекрасную
Светлую дочь
Отдашь бессловесно
Врагу и помочь
Тебе будет некому,
Хан Яныбек.
Ведь проклят наш путь
На чужбину навек.
Послушай
Ты мудрого старца совет.
Тебя охранит он
От множества бед:
На Волге ты
Лето свое проводи
На Яик с народом
К зиме уходи.
Тогда разрастутся
И скот, и родня,
Народ процветать
Будет день ото дня.
Но если ты мой
Не услышишь наказ -
Тогда пожалеешь ты
Множество раз:
За землю, за родину,
Скот и очаг,
За свет, что таится
В любимых очах,
За гордость батыров,
За крепкий свой род,
Поднимется весь наш
Ногайский народ.
И в руки возьмет он
И меч, и топор,
За матери слезы,
За косы сестер,
За старость отца
И за честь сыновей,
За светлые земли
Отчизны своей -
За все с тебя спросится
Хан Яныбек -
Прощенья не будет
Отныне, вовек!
avatar