| Главная » Статьи » Ногайские стихи |
Балаларга ятлавлар (Ийнелик, Ийгилик, Йолбарыстай, Кирпи)
| Ийнелик — Ийнелик-ав, ийнелик. Коркпа меннен, ийменип. Калтыратпа канатты. Айтшы, кайттынъ каяктан? — Тогайдагы бир тойдан. — Огырлы болдыма йол, Кимнинъ тойы эди сол? — Канатлары доьнъгелек, Уьйленди ак куьпелек. Занъырдаган той этти, Едик сонда кой этин, Суьеклерди кемирдик, Гуьл нектарын симирдик. Ийнелик — курт-кумырска, ян-янувар (стрекоза) Тогай - луг Ийгилик Ийнеден йип оьткерип, Коьмек эттим аьеме. Сав куьн ялкпай олтырып, Коьйлек тиктик бебеме. Йолбарыстай мысыгым Йолак-йолак йолбарыс Сен де, кишкей мысыгым. Бойынъ сенинъ бир карыс, Ланъканъ уьйкен, мысыгым. — Айт, ким еди йоьрмеди? Мыр-мыр этти: «Коьрмедим. Сав туьн шышкан анъылдым, Уйклайымшы. Арыдым...» Йолбарыс - тигр Карыс - пядь Йоьрме - ливерная колбаса (домашняя) Кирпи Кирпи, кирпи, кирпикей. Кирпи-тонынъ уьрпекей. Ясырасынъ басынъды, Танымайсынъ досынъды. Сага алма йыяман, Тепсиге суьт куяман. Оралгансынъ тонынъа. Яде деймен тонъдынъма? Кирпи кирпик какпай, берк Коршалайды оьзин бек: Кол созганда — терейди Токсан тогыз тегенек. Кирпи - ёжик Уьрпекей - лохматый Кирпик - ресницы Кирпик какпай - не смыкая глаз Терейди - выставляет Мурат Авезов Источник: http://noghai.ru/books/masaklar/jatlavlar | |
| Категория: Ногайские стихи | Добавил: тоньюкукк (20 Июня 2016) | |
| Просмотров: 791 |
| Всего комментариев: 0 | |