Главная » Статьи » Ногайские стихи |
Янъылтпалар (Скороговорки)
Сен аргымакты аргытып арыттынъма? Сени аргыган аргымак арыттыма? * * * Абанъа, балам, бал аламан, Бараганда, балам, бал ала бар, Бал ала барганда, балам, бал ялама. Бал яламай, балам, бара-бар. * * * Сув уьстинде ак бувма, Ак був тувыл ак кувма? Ак був болса ак кув кайда, Ак кув болса ак був кайда? * * * Маь, теке, маьметекей, Маьметекей маь, теке, Тентек текеге терек керек, Керек теке тентекке терек. * * * Оьпкелеме, оьпке еп, Оьптирмейсинъ оьпкелеп, Оьптирмесенъ, оьпкелеп, Оьпкелей бер, оьпке еп. * * * Карайдардынъ кара тайы талып ятыр, Сарайдардынъ сары тайы талып ятыр, Карайдарлар, Сарайдарлар толып ятыр, Кара тайлар, сары тайлар толып ятыр, Кайсы Карайдардынъ кайсы кара тайы, Кайсы Сарайдардынъ кайсы сары тайы? * * * Койшы кошшыга: «Койды кайтар, кошшы», — дейди. Кошшы койшыга: «Арыдым мен, койшы», — дейди. Сойшыга тынъламаган кошшы шынты койшыма? Койшысын аямаган койшы оьзи кошшыма? * * * Ийтим Алабай коьрип абаладыма, Коьрмей абаладыма? Абайлатып абалаган Алабайма? * * * Кара карга: «как!» — деди. Ала карга: «как!» — деди. Кара карга карап карга: «ак» деди. Ала карга кара каргага: «Канатынъды как!» — деди. * * * Куьрмелмесе тилинъ берермен куьрлеме, Тилинъ куьрмелсе берермен тек куьреге. Куьрлеме де, куьреге де сол балага, Ким янъылтпаларды яттан ятлап алган. Мурат Авезов Источник: http://noghai.ru/books/masaklar/janyltpalar | |
Категория: Ногайские стихи | Добавил: тоньюкукк (27 Июня 2016) | |
Просмотров: 1410 |
Всего комментариев: 0 | |