Главная » Статьи » Ногайские стихи |
Кайтар мени
Юрегинъе яра салып, мен сени Ялгыз койып кетсем туншык туьнлерге, Кайтар мени. Ялган соьзлерге ынанып, баскага Ойсыз басым авып кетсе анъсыздан, Кайтар мени. Дуниядынъ аьлемети, керемети мен мен деп Оьктемликтин асманына ушып кетсе юрегим, Кайтар мени. Дунияда меннен ушсыз йоктыр деп Ер ярылып, ер туьбине мен кетсем, Кайтар мени. Мен ойланып, шет кырыйсыз ойлардынъ Кенъ элимнинъ эбин таппай кыйналсам, Кайтар мени. Кайтар мени йыраклардан, ювыктан, Увак-туьек оьпкелерге берме эс. Кайтар мени иссиликтен, сувыктан, Сен болмасанъ мага баска куьш етпес. Кайтар мени. Кайтар мени. Кадрия (Сакланган юлдызлар) | |
Категория: Ногайские стихи | Добавил: тоньюкукк (02 Июля 2016) | |
Просмотров: 2266 | Комментарии: 3 |
Всего комментариев: 3 | |
| |