| Главная » Статьи » Ногайский язык |
Кайтип парахат уьйретпеге балады ногай тилге.
| (Меним сулыбым) Биз ойлаймыс неге балалар ногай тилди билгиси келмейди, онынъ тек мультиклардан себеб тувыл, биз уьйде мультиклардан коьп ногайша соьйлеймисше. Бала билмей оьзи сайлайды пайдалы эм пайдасыз затларды, ногай тилди пайдасыз деп ойласа, оны билгиси келмейди. Сога коьре мен кеде балалардынъ яслары (тувган куьнлери) озган сонъ мынавдай мырад салдым: Эгер олар эндиги ясына дейим ногай тилде соьйлеп басласа, мен оларга планшет савгаларман, деп айттым. Оьзим оларман тек ногайша соьйлеп басладым, бир зат оларга меннен керексе яде мага бир зат айтаяк болса, мен оларга айтып басладым: "Мага тек ногайша айтынъыс" - деп. Мен билмеймин (я не знаю) десе, не зат айткысы келетаганын орысша айттырып, ногайшага авдарып, соны ногайша айттыратаган эдим. Сонъ оларга оьзлеринеде ярады. Ногай соьзди яде косымша соьзлерди, яде сав йыймаларды ногайша айтканда ата-анасына, тетесине куьез болып, коьп йылы соьзлер олардан оьзлериннен тура эсттип басладылар. Ясы толаяк куьнлери янаскан заманда олар менимен телефонманда ногайша соьйлеп басладылар эм планшеттынъ орнына айфон сорап басладылар. Айтаягым: биз алайда-былайда оьзимистинъ улы баласы болсын, йиен болсын яде баламыс болсын ясына бир савгалар этемис, телефон, яде планшет аламыс оларга, сол куллыктынъ аьлде бир пайдасы бар экенин билдиргим келеди сизге. Оныман бек маьнели зат байланысады - бизим ногай тилимиздин сакланувы. Бир бала билсе, ол оьзининъ тенъ-досларын уьйретер, эки бала билсе, бир бирисимен соьйлемеге аьдем табылар эм тилимиз сакланар. Коьп зат оьзимистен болады, бизим каравымыстан. Уьйретейик балаларымысты ногай тилге. | |
| Категория: Ногайский язык | Добавил: тоньюкукк (21 Апреля 2021) | |
| Просмотров: 251 |
| Всего комментариев: 0 | |