| Главная » Статьи » Ногайские стихи |
Коллектив РГБУ "Маьметекей
| Асан Найманды ак юректен биринши ятлавлар йыйынтыгынынъ шыгувы ман
кутлаймыз эм ога тагы да коьп йогары бийиклевлерди сагынамыз. Буьгуьн
сизинъ сайтынъыз аркалы ногайларды онынъ янъы ятлавлары ман таныстырмага
суьемиз. Асаннынъ бир неше ятлавларына канатлы йырлар туьзилгенлер. Айтпага, белгили ногай йыршысы муратхан Туркменова "Ногайларым" деген ятлавга йыр язып йырлаган биринши болып эм ол йыр канатлы хит болган соьле. Оннан сонъ Канглыдан белгили йыршымыз Мая Рамазанова да сол йырды оьзининъ йырлар альбомына киргисткен, ол да бир йырын йырлап баслаган. Яс йыршымыз Марат Дышеков та Асан Найманнынъ "Адилим" деген ятлавына йыр ярасык язган. Танысынъыз: Асан Найман Ятлавлар ХАЛКЫМ БАРДА МЕН ДЕ БАРМАН ДУНЫЯДА ОЬМИРИНЪИЗ УЗАК БОЛСЫН, НОГАЙЛАР! Бал аяклар коьтерейик, ногайлар, Барс йылында Ногай район онъсын деп. Ярти оьмир оькиметсиз яшаган Миллетимнинъ мыратлары толсын деп. Шешек атып ал-йоьгерли тогайлар, Емис берсин аьр бир терек аьр бавда. Узак болсын оьмиринъиз, ногайлар, Яслар, кызлар барсын дайым алдыда. Шебер тилли, шал картларга тилеймен Узак оьмир эм тынышлы картлыкты. Яшав берген анайларга тилеймен Рахатлыкты, наьсипти, эм савлыкты. Эски йыл ман оьтип кетсин кайгылар, Сыйлы конак, бол Янъы йыл, аьр уьйде, Янъы йылда болсын моллык, берекет, Кайрат болсын яс-явкадынъ денинде. НОГАЙЫМ Йыр Аьдил болган ногайым Оьмирлердинъ бойында. Оьз эркин ол саклаган Ак ниетли ойында. Тоьси толы мал болган, Асы май эм бал болган. Баьтирлери дав болган, Яшавы бай бав болган. Язы, кысы отлакта Асыллаган туварын, Туьелерин, койларын, Кара малын, атларын. Ногай баккан йылкысын, Коьшип эркин шоьлинде, Казы мынан коькисин, Данъклы Байкал коьлинде. Сансыз йыллар, ногайым, Кавга этип келгенсинъ. Акылынъ ман, куьшинъ мен Атаклыкка еткенсинъ. Йойылса да аьвелги Оькиметинъ, коьп затынъ, Курытпага бермединъ, Терен кеткен тамырынъ. Аз болсак та, соьле биз Енъдирмеспиз душпанга. Давмыз, халкым, давмыз биз, Айтылганмыз дуныяга. Мен тилеймен, энди де Оьркен яйсын тамырым. Онъып-оьсип яшасын, Бир тил тавып, дав халкым. Окынъыз ногайлар. | |
| Категория: Ногайские стихи | Добавил: BAD_BOY25 (30 Апреля 2012) | |
| Просмотров: 1845 |
| Всего комментариев: 0 | |