Куьнбатарга 

Ашшы соьзлер ашув тиллер атканда - 
Байраклатып шаншып турган янды,  мен, 
Байламанъыз, деп, шоршыган ат кимик - 
«Куьнбатарга! Тоьркинимге!»- дегемен. 

Солкылдаган яралардынъ эмлевин 
Табарман деп, Куьнбатардынъ тоьринде… 
Ама бир куьн мен анъладым дарманы 
Аьр ярадынъ - аьр инсаннынъ оьзинде! 

Заман кетип, коьп затларга уьйрендим, 
Байталланган  касиетти байладым. 
Не де болды, не де койды, йыланып, 
Эш бир кере тоьркинимге бармадым.