Главная » Статьи » Ногайские стихи |
МЕН КОЬРЕМЕН
Авыз ашып Асыл соьзди айтканда. Арап тувыл Ногай китап оьзим мен. Алдавлыктынъ Аргымагын атканда Акыйкаттынъ Аманаты оьзим мен. Аспан ушып, Арка кезип, коьп юрип, Аьдилликти Эш коьрмедим коьзим мен. Атан егип, Агтан туьсип, ийт уьрип, Алапамды Алып келдим соьзим мен. Абаданлы Асыл эрдинъ баласы, Ардакланган Ата юртым толтырган, Авызына Аьлимлерди каратып, Айта туры Аранъызда олтырган. Он сан ногай Отаныма карасам, Окас мырза Огырсызды коьремен, Огырсызлар Олтырысып ой этип, Онъсыз дуныя Ойылганын коьремен. Аскар тавга Армай шыгып карасам, Ана Эдилдинъ Ак елкенин коьремен. Ана Эдилден Ак Кобанга карасам, Акыр йигит Алп ногайым коьремен. Ак Кобаннан Ак Яйыкка йоллансам, Алдын бувып Арал ногай марайды. Алдаспанын Аьри таслап кол тутып, Ак Кобаннан Аьруьв хабар сорайды. Астымдагы А к арвана шапканда, Артымдагы Ак сагыным борайды. Алшынлардан Ак сем из эт капканда, Аруагым Алып кутка орайды. Артым-алдым Айланып мен карасам, Аталыктын Асыл малы ювсайды. Анъшыбайдынъ Асылына карасам, Ашувымнан Аьр бувыным босайды. Асылсызлар А к коьбектей таласса, Аталыкка Авыр болар усайды. Аксуьеклер Аьри-бери тартысса, Азиз Орда Абдырарга усайды. Азиз Орда Алпыс болып таралса Авыр Ногай Аз болырга усайды. Арам душпан Аьдиренсип берк курып, Аркалык пан Авып келир усайды. Аталыкка Алабалык куьн тувса, Асыл соьзим Агып турар усайды. Аталыкка Агып келген душпанды Ата улы Алып урур усайды. Шал-Кийиз Тиленши улы Источник: http://Йыр мест мен эдим. Бийке Кулунчакова | |
Категория: Ногайские стихи | Добавил: тоньюкукк (24 Декабря 2020) | |
Просмотров: 1484 | Комментарии: 1 |
Всего комментариев: 1 | |
| |