Главная » Статьи » Ногайские сказки

---

АЖДАУТ НАЙМАНОВ КУЙЫ Айсе Айшатты озгарып келгенде, синълиси мен ярасады. Айсе куйыдан сув шыгарады. Мекке сорайды: -Куйыдагы сув мени ютаягым? -Ютаяк. -Сениша? -Мени де. -Аьше коркпай шелек онда кайтип атылады? -Оны сен шелектен сора. БЕРЕСЕ Орамда айва терек оьседи. - Мунавыв кайдай терек? – деп каныгады Мекке. Айсе: -Оны сен оьссенъ айтарман. Коькте бозторгай ушады. - Онынъ аты неди? - Оны сен оьссенъ айтарман. - Мекке, – деп шакырады атасы, – мунда кел. Сага деп туькеннен бир затлар аькелгенмен. Суьйинген кыз шабады. Ол савгады кушагына алады. Биразлай артыннан Айсе келип сорайды: - Папа сага не берди? - Оны сен оьссенъ айтарман, – деп шегин катырады Мекке. КАТЛАМА Уьйкен сырампыл эскеннен сонъ увак-увак ямгыр явады. Ога Мекке буршактынъ баласы дейди. - Мекке, – деп шакырдаы аьеси Сыйлы, – ана пешке барып мага оклав аькелеш. Тек эсикти ашпай кир. Мекке куьлейди: - Онда катламага деп ийленген ун бар. Эгер ога сувык сокса аьруьв писпес. Ногайдынъ бурыннан калган сыйлы асын писирген анша-мунша зат тувыл. ИЙТ УЬРДИРИП, КУС ЕРТТИРИП Ийт уьрдирип, кус ерттирип Меккединъ кишкенекей тенъи Асият келеди. -Сага ийт уьрмедиме? – деп сорайды Мекке. -Аф-аф дп эди, мен де ога аф-аф дедим. Куйрыгын булгады да кетти. -Кылыбын биледи экенсинъ, – деп сейир этеди Сыйлы. -Мен онынъ кылыбын эртеден уьйренген, – деп мактанады Асият. – Мамам тигетаган цехте сабыр болып ислегенде, мастер оны куьни-куры кетпей еп туратаган эди. Коьп тоьзди мама, ама онынъ соьзи мыйына шыгып баслады. Даяналмай мастер мен бир-экм кере арпаласканнан сонъ тынышлык тапты. Сизинъ ийт сол бирев мастерге усайды. Яшав ким енъсе соныкы. КУЛЛЫК ШАШЫННАН КОЬП -Мекке, юр ойнамага, – дейди Асият. -Соьле баралмайман, катлама писиреекпен, – дейди уьш ясындагы Мекке. -Менде де куллык шашымнан коьп, болса да уьстиннен абыткылап келгенмен. Баьри куллыкларды этемен десенъ заман кетип, ойналмай калаяксынъ. Яс заманынъда ойнамасанъ-куьлмесенъ яшавдынъ не коьрки бар? Аьруьв аьше, сен катлама писир, мен телевизор карайым. Онынъ радиосавлыгы аьруьвим? -Коьзине ак туьскен, оьзи десенъ сакав болган. -Радиодокторды неге шакырмайсыз, аьше? УРА! Боьтен де бек Маржан радио тынъламага суьеди. Область радиосы сонъгы хабарларды береди. Соьйтип Маржан бизим областьтинъ бир районга коьбейгенин билип: -Ура! Бизим юртымыз бир размерге кенъейген, – деп куванады. ИСКУССТВО Радио искусство акында хабарлар береди. -Искусство бек ийги зат, – дейди Динислам. -Бек ийги. Боьтен де бек баасы. Меним уьстимдеги тон искусственный, сонынъ уьшин оьзи йылытпаса да баасы йылытады, – дейди Айсе. Член Союза писателей Российской Федерации.

Категория: Ногайские сказки | Добавил: BAD_BOY25 (02 Мая 2012)

Просмотров: 1969

Всего комментариев: 0