Главная » Статьи » Ногайские стихи

Ногайым Кетти йыллар,тоьмен аккан
Ногайым
Кетти йыллар,тоьмен аккан
Ак Кобон дай актарылып
Ана Эдил дей молпайып.
Ярык Яйык тай яйылып...

Таулар,таслар,кенъ шоьллер
Доьнгел-доьнгел коьк коьллер
Доьрт ягасы киюлы
Деря,денъиз,алем майтак Ногайлы

Алтын Орда Элем эдинъ,йок болдынъ
Сом юрекли баьтир эдинъ,карт болдынъ
Аргымакты сайлап минген
Аьрулерди сермеп алган

Хан-бийлерин сайлап билген халк эдик
Энди буьгин азайдык,кулларымызга кор болдык
Кемшилик пен зорлыкты
Белимизге коьп будык
Ак сакаллы карт болдык

Энди бизди корламага,шалысканлар аз шыкпас
Бирерлери кедем дер
Бирерлери бебем дер
Оьзгелери янгы туган
Асылынган, адаскан

Йетим оьскен балага
Колаш-кампет берген дей
Коьзи-кызий узатар
Алдау затлар коьп айтар.

Эх Ногайым, Ногайым
Яным суьйген азиз халкам
Карт болсанъ да корланмайсын,яшайсын
Неге десе нийетынъ,коьзястан да тазады
Неге десе юрегинъ
Беркут деген карагустынъ койнында
Шахид болып ушады...

Валерий Казаков.

Категория: Ногайские стихи | Добавил: aminka (24 Сентября 2011)
Просмотров: 1865
Всего комментариев: 0
ComForm">
avatar