Орамда
Атанъ сени ат-арба ман кыдыртпагыр,
Тетенъ сени тоьбе бастан тыгыртпагыр,
Тувган куьнде калакайлар писирмегир,
Туьй кувырып каймак соьклер иширмегир.
Сен ше меним бу аьлимди коьре турып,
Токанъ-токанъ шапканымды биле турып,
Онъды-солды карамайын, шавып кеттинъ,
Толгак тийген, хатын йолын, шалып, оьттинъ.
Басынъдагы топтайынъды - ел ушырсын,
Топыйнадай бетлеринъди - куьн писирсин,
Кет алдымнан аьдет-маьдет анъламагыр,
Курсагыма балт-балт этип карамагыр.
Таьпий сенинъ бурынынъа баьпий шапсын
Таьтий сенинъ тоьс кисенънен шыгып кашсын
Колынъдагы шыбыгынъды ийт акашкыр
Аягынъда шарыгынъа бийт таласкыр
Сен ше меним толгагымды куьшлендирдинъ,
Азбарыма парахатлы еткермединъ.
Шап эндиги толгак тийгир ак ананъа -
Шакыр мунда, мага энди куьн каранъа.
Топыйна - булочки
Толгак- родовые схватки
Таьтий- прополис
Таьпий-курносый
|