Главная » Статьи » Ногайские стихи

---

Атам-анам - эки колым, Яшавымды буьрленткен. Коьз алдыма уллы йолым, Коьнъилимди оьрленткен. Атам-анам - эки коьзим, Табиятты суьйдирген. Талпындырган отлы соьзим, Юрегимди тептирген. Атам-анам - коьзи куьннинъ, Саьвлесине ораган. Кешелерде тап шолпаным,. Сырларымды сораган. Атам-анам - бар байлыгым, Юрегимди талпынткан. Танъдай таза танълыгын Кишкей янга уйыткан. Атам-анам - яс яшавым, Шынтылыктынъ уясы. Аллы-гуьлли бакты бавым- Дуныямнынъ дуныясы. Салимет Майлыбаева Источник: http://noghay-halk.narod.ru/index.htm

Категория: Ногайские стихи | Добавил: тоньюкукк (08 Мая 2016)

Просмотров: 2806

Всего комментариев: 0