Карагашногай шеджереси

Айт десенъиз айтайым
тарихтен алган хабар
Карагаш ногай элимыз
Асылда биз ногайлар 
Бурынгы оьмирлерден 
Тарихымыз шыгылган
Аьвел соьзде айтайым
Басланды ол аслардан 
Кавказ шоьлде,Кырымда
Оьгуз- Куьман яшаган 
Эдил бойда- эски юрт
Тарихта ол мутпаган
Монголдынъ келуьвден сонъ 
Олары ман давласкан
Коьп согыслардан,соннан
Оларга халк бойсынган 
Ногай хан заманыннан 
Ногай аты алынган
Эдил-Яик арасынъа
Халык коьшип бараган
Эдиге заманында
Тувды янъы оькимет
Аьмирлер мырзалар ман
Юргисттилер аьрекет
Казанга эм Уфага
Ногай куьши коьрсеткен
Суьюмбийке заманында 
Оларга ярдам берген
Урысысып мырзалар
Явлар болып кеттилер
Бир биревин оьлтирип 
Халыкка каза эттилер
Бир бирден айырылган, 
Калмыклар ман согыскан
Кобанга эм Кырымга
Халык кайтып бараган
Кобанда коьп яшамай
Эдилге аькетилген 
Сеитлер эм Хожатай
Бизге орын берилген
Ахтуба сувы замзамдай
, Эдилдин сувы ишип алган
Карагаш атлы орманды
, Кобан ерди мутпаган 
*****************
Найман ырувдан –байконды
Оьтегул эм тоьбетпес
Серкели,эргенекли
Баганалы да кирес
Мангыт коьби акында
Баска соьз айтылаяк
Оларга коьгис киреди
Керейт эм сеит алтаяк 
Темирходжа ырувыннан ,
Ток ырувдан-баьтирлер 
Эдигединъ асылы -
Сосы ырувдан- билсинлер!
Аслардынъ аьскерлерге
Тарханды сыйлап берди хан,
Ас-тархан каласы бар –
Олардынъ аты тагылган
Асларга карас киреди 
Тенъиз ,шотук эм култас
Ата-бабадынъ ырувларын
Мутув бизге ярамас
Салджугут ,шобалатчи бар 
Эм косылады бизге туьркпен
Каракалпаклар косылды 
Кардаш халык элиннен 
Кундравлар бизге бек якын 
Юрт ногайлар да бек ювык,
Баьримиз де ногайлар- 
Оны айтпага тарык!
Сеитлер эм Хожатай 
Суьйген ерде Аксарай!
Оьмирликке яшасын 
Алтынордалы ногай!

(Ишмухамбетов Р.В (Астрахань)