| Главная » Статьи » Ногайские стихи |
КАДРИЯ. ЙИГИТЛЕР ЙЫРЫ.
| - Эй, йигитлер! Кенъ яйылган Ногайда, Эр дегенлер бири-бирин сатама? Тагын сатпай абырайын сатканлар Эре мен деп бети барып айтама? - Кенъ яйылган данъылында Ногайдынъ Яман йок деп коьрсек ялган айтармыз, Эрен атлы биз де бармыз Ногайда - Нажжаслардын йолын бувып таслармыз! Бизди саткан - оьзин сата баскага, Бизим намыс савладарга койылмай. Ат басындай юрегинде Ногайдыъ Ат кевдедей оьктемлиги йойылмай. Ногай туьзде йорык юрген йолларда Йолбасшыга намартлар сайламадык, Яхшылар ман куьезленип, кайгырып - Намыссызлар тойларын тойламадык. Бар йигитлер кенъ яйылган Ногайда, Аталардынъ атын йоймай юреген. Аьдем атлы бар аьдемлер Ногайда Йигитлердинъ йигитлигин коьреген Кадрия. Абырай - выражение лица Нажжас - нечистоты, грязь, помёт Намарт - подлый Китаьп "Кадрия. Айындырык ярыгы" | |
| Категория: Ногайские стихи | Добавил: тоньюкукк (13 Октября 2015) | |
| Просмотров: 967 |
| Всего комментариев: 0 | |